NORMALÍZATE

PARA REMATAR...FESTIVAL!

2012-01-08T23:35:00.003+01:00

E,como non, para rematar o día fixemos un pequeno festival no que os alumnos cantaron panxoliñas en varias linguas: galego, inglés e castelán. fixérono moi ben.
Aquí tedes unha pequena mostra.

BO NADAL E FELIZ 2012

E DESPOIS DOS REIS..........

2012-01-08T21:25:00.003+01:00

CHOCOLATE!...QUE RICOOOO!

E CHEGARON OS REIS MAGOS!

2012-01-08T16:10:00.003+01:00

Expresamos os nosos desexos,dixemos o bos que somos e, regaláronnos un libro!
Foi imposible cargar todalas fotos, pero, polo menos, si os grupos.

ADORNAMOS O COLE

2012-01-08T15:46:00.004+01:00

Este Nadal adornamos o cole con diferentes motivos. Abundan as árbores e os Papa Noeis. Para o ano poñeremos aos Reis Magos.

RESPOSTA ÁS FELICITACIÓNS

2012-01-08T15:24:00.003+01:00

Os nenos de 2º recibiron as postais procedentes dás alumnas e alumnos do CEIP Pena de Francia.

Moitas gracias a tódalas nenas e nenos por participar.

INTERCAMBIO DE FELICITACIÓNS DE NADAL

2012-01-08T12:42:00.004+01:00

Os alumnos de 2ºde EP fixeron felicitacións para intercambiar cos alumnos do CEIP Pena de Francia.

CALENDARIO 2012

2012-01-08T12:08:00.004+01:00

Aquí van os traballos que tan ben fixeron os alumnos do noso centro para decorar o calendario. Nestas fotos, pódese ler o que os alumnos escribiron.

MERENDA TERRORÍFICA

2011-12-08T11:25:00.007+01:00

Foi de novo un gran éxito de participación. Os alumnos de EI e 1ºN de EP participaron activamente na elaboración das figuras terroríficas e, non menos, na súa degustación.

SAMAÍN

2011-11-27T18:39:00.004+01:00

Comenzamos este curso 2011-2012 coa celebración do SAMAÍN. Coma os anos anteriores, fíxose unha exposición de cabazas na que participaron os alumnos con un gran exito de participación.

FELICITACIÓNS A TODOS

2011-06-01T13:00:00.007+02:00

O pasado mes de maio celebramos como cada ano a semana cultural, empezamos co cine en galego dende a biblioteca. O xoves os nenos e nenas de 6º convertéronse en contacontos, elixiron para os máis pequenos o Sacapenas e para os maiores A nena paxaro

O Luns 16 celebramos o festival das Letras Galegas no que presentamos o Conto viaxeiro “A poción máxica de Oliver“ musicado e narrado polos nenos de 6º, 5º e 4º, coñecemos algo máis sobre Lois Pereiro a través das voces dos nenos e nenas de educación infantil. O grupo de 4 tamén quixo participar cuns poemas sobre as letras do abecedario e por último entregáronse os premios do certame literario. A continuación deixámosvos as fotos para que recordedes todos os actos.

VI CERTAME LITERARIO

2011-04-12T13:01:00.009+02:00

ENTROIDO 2011

2011-04-11T21:55:00.008+02:00

Ola a tod@s! Aquí vos deixamos as fotos da festa do entroido. Os nenos e nenas de educación infantil tiñan como temática Exipto, xa que é o proxecto que están levando a cabo. Os nenos e nenas de educación primaria tiñan a temática libre, todos estaban moi guapos e divertidos. Pola mañá levamos a cabo un taller de comadres e compadres, quedaron moi orixinais. Despois recuperamos forzas cunha merenda típica de Entroido, gracias a colaboración de todas as familias que enviaron deliciosos doces. Por último, celebramos o tradicional baile.

CONTOCHE UN CONTO

2011-01-31T10:32:00.005+01:00

Ola amigos e amigas, a continuación tedes as fotos da actividade Cóntoche un conto, na que os nenos de 5 anos de educación infantil convertéronse en narradores do conto Cabaza cabaciña, os seus oíntes foron os alumnos e alumnas de 6º de educación primaria.

POSTAIS NADAL

2010-12-19T14:54:00.007+01:00

Un ano máis fixemos o intercambio de postais de Nadal co C.E.I.P Mestre Valverde Mayo, deixámosvos unhas imaxes das que elaboramos para que comprobedes que fermosas quedaron. Aproveitamos para desexarvos a todos/as un Bo Nadal e un Feliz 2011.

MURAL DO MAGOSTO

2010-12-01T15:41:00.004+01:00

Aquí tedes o mural que realizamos entre todas as aulas do centro con motivo da celebración do Magosto. As aulas de primaria realizaron acrósticos a partir da palabra Magosto e unhas castañas moi simpáticas, e os nenos e nenas de Educación Infantil foron os encargados de rematar a decoración do mural con cogumelos, follas, esquíos e landras.

MAGOSTO 2010

2010-11-22T15:58:00.001+01:00

A semana pasada celebramos o Magosto, despois de ter que atrasalo unha semana pola climatoloxía, por fin puidemos degustar as ricas castañas que os nenos e nenas trouxeron. Aquí vos deixamos as fotos.

MENÚ TERRORÍFICA

2010-11-16T12:43:00.004+01:00

Este ano celebramos o II Menú terrorífico, os encargados de levalo a cabo foron os nenos e nenas de educación infantil e os alumnos/as de primeiro de educación primaria. Unha vez elaborado chegou o momento de desgustalo. Estaba todo moi bo como podedes comprobar nas imaxes.

Concurso de cabazas

2010-11-15T16:18:00.007+01:00

Ola amigos e amigas. A continuación deixámosvos as imaxes da festa do Samaín e da entrega de premios ás cabazas máis votadas. Esperamos que vos guste e moitas grazas

EXPOSICIÓN DE CABAZAS

2010-11-15T15:26:00.002+01:00

Ola amigos e amigas deixámosvos a continuación as imaxes da exposición de cabazas elaboradas polas familias. Esperamos que vos guste e grazas a todos/as pola vosa colaboración

O SAMAÍN

2010-10-23T18:26:00.004+02:00

Queridos amigos e amigas comezamos as actividades do equipo de normalización neste curso 2010-2011 coa festividade do Samín, esta semana realizaremos a exposición de cabazas que poderedes visitar o martes 26 de outubro de 16:00 a 18:00 horas.

O xoves realizaremos a II Merenda Terrorífica na que participará todo o alumnado de educación infantil e os nenos e nenas de 1º de primaria.
O venres 29 entregaranse os premios do concurso de cabazas do Samaín.

O POETA DO COUREL

2010-05-13T15:42:00.012+02:00

Depois de tres anos, voltamos de novo á marabillosa paisaxe do Courel; daquela estivemos alí da man de María Mariño Carou, a quen homenaxeaban no Día das Letras Galegas 2007. E agora, tócalle a Uxío Novoneyra, co cal mantivo unha profunda amizade até a súa morte no ano 1967.
Este ano comprácenos moito homenaxear a este gran poeta, Uxío Novoneyra, poeta da sonoridade e do silencio, do silencio necesario para poder sentir a emoción dos seus versos. Animádevos a ler os seus libros de poemas que podedes atopar na biblioteca!! Recordade, en silencio!

WEBQUEST UXÍO NOVONEYRA

2010-05-12T02:18:00.018+02:00

Como xa sabedes o homenaxeado este ano no Día das Letras Galegas é Uxío Novoneyra, un persoeiro moi importante da nosa literatura. Seguro que estades desexando saber algo máis sobre este autor a quen lle chamaron O POETA DO COUREL, se é así aquí tedes esta webquest onde poderedes atopar moita información.

Preme na foto

SEMANA CULTURAL 2010

2010-04-23T21:37:00.004+02:00

Xa se acerca a Semana Cultural, que este ano terá lugar entre o 10 e o 14 de maio para conmemorar o día das Letras Galegas. Como en anos anteriores temos a sorte de contar de novo coa presencia do escritor e ilustrador Anxo Fariña. Os nenos que pertencen ao club de lectura están a ler un libro seu " A Monstroescola" e terán a sorte de poder falar con el e a ver si pode asinarllos.

Teremos máis actividades:

Cine en galego

Actuación musical dos nenos de 6º de educación primaria, onde poñerán música o "Conto Viaxeiro" que fixemos este curso no centro

Coñecermos a vida e obra do homenaxeado este ano Uxío Novoneyra

Premiaremos os gañadores do Certame Literario.

CERTAME LITERARIO 2010

2010-04-20T21:17:00.000+02:00

A TOUPIÑA

2010-03-16T11:24:00.007+01:00

Dende o equipo de normalización lingüística organizamos unhas sesións de contos en diferentes linguas para os nenos e nenas de educación infantil. O conto elixido foi "A Toupiña que quería saber quen lle fixera aquilo na cabeza" e as mestras do colexio contárono en galego, inglés e francés. Deixamos os vídeos para que o escoitedes e esperamos que vos guste .

ENTROIDO 2010

2010-02-27T19:40:00.002+01:00

Este ano o entroido adicámolo a diferentes épocas históricas. Nas fotos podedes comprobar a variedade de traxes e o ben que o pasamos no baile de entroido.

CONTOS CANTADOS

2010-02-23T11:19:00.005+01:00

Ola nenos e nenas, no mes de xaneiro, con motivo do Día da Paz, os equipos de biblioteca e normalización organizamos unha sesión de contos cantados para o alumnado de educación infantil. Os contos elixidos foron "Dona Carme" e "Lobo feroz" e interpretáronos os nenos e nenas de 4º. Aquí vos deixamos algunhas fotos da actividade que resultou moi divertida.

MENÚ TERRORRÍFICO

2010-02-18T15:36:00.005+01:00

Ola, no pasado trimestre os nenos e nenas de ed. infantil e o 1º ciclo de ed. primaria realizaron unha merenda monstruosa, agora elaboraron un libro coas receitas, esperan que vos guste e que vos animedes a preparar estes pratos tan terrorríficos

FELICITACIÓNS DO NADAL

2010-01-12T11:39:00.023+01:00

Neste Nadal os nenos e nenas do noso centro fixeron coas súas familias unhas fermosas felicitacións coas que adornamos as paredes da entrada.

Samaín 2009

2009-11-15T15:41:00.013+01:00

Ola, nenos e nenas! Aquí estamos de novo, neste curso 2009/2010, para mostrarvos o que se fai dende o Equipo de Normalización e Dinamización Lingüística do noso centro. Comezaremos por ensinarvos as fotos da exposición de cabazas decoradas que se realizou neste Samaín 2009. Como sempre houbo moito inxenio e creatividade.

MERENDA MONSTRUOSA DO ALUMNADO DE E.I. E 1º CICLO
As profes de E.I. fixeron unha merenda tan terrorífica que facía tremer a calquera!

CONTO DE XAIME E AS LANDRAS

Os nenos e nenas de E.I. contáronlle un conto, titulado "Xaime e as landras", ao alumnado de 6º, quen tivo que escribilo e xuntos fixeron uns fermosos debuxos.

IV CONTO VIAXEIRO

2009-06-29T19:17:00.007+02:00

UNHA AVENTURA INCRIBLE
Preme en "fullscreen" para poñelo en pantalla completa.

unha aventura incrible

XORNAL LOURO nº 40

2009-06-29T18:01:00.004+02:00

Se queres velo en pantalla completa preme en "fullscreen".
xornal louro 09

AS LINGUAS SUMAN

2009-06-09T01:21:00.022+02:00

Dende este blogue non queremos deixar de manifestar o innecesario, e até retrógrado, que nos parece cuestionar o valor lingüístico de uso e aprendizaxe que a lingua galega debe ter. Porén, o decreto que rixe o uso do galego está a se debatir, un decreto que fixa un equilibrio do 50% entre as dúas linguas. Temos que entender que a lingua forma parte do noso patrimonio e que non exclúe ningún tipo de aprendizaxe, senón que aumenta as potencialidades lingüísticas do noso alumnado, tal como queda reflectido no informe Pisa, nel constátase que o dominio do castelán e o inglés dos alumnos e alumnas galegos/as é superior á media española. Se queres ler máis información a este respecto aquí tes este documento:

Triptico as Linguas Suman

"O LIBRO MÁXICO" de MIGALLAS

2009-05-28T17:27:00.009+02:00

Dentro dos actos desta IV Semana Cultural, contamos coa actuación da coñecida compañía de teatro "Migallas", que representou a fascinante obra titulada "O Libro máxico". Grazas a estes actores puidemos comprobar que dentro dun libro hai todo un mundo de fantasía, só temos que abrir a porta, e... como?, pois abrindo un libro, xa que todos os libros poden ser máxicos, comprobádeo!! Moito rimos e cantamos e, para que vos acordedes dese día, aquí tendes unha morea de fotos.

CERTAME LITERARIO 2009

2009-05-28T16:37:00.018+02:00

Un ano máis fixemos entrega dos agasallos aos premiados e premiadas neste Certame Literario 2009. Esperamos e desexamos que sigan a escribir e... quen sabe!!, talvez dentro duns anos reciban outro merecido premio nun certame máis importante. As sorprendentes narracións e os fermosos poemas dos gañadores/as serán publicados no noso xornal "Louro", en xuño. Tamén foi premiado, como todos os anos, o alumnado de Educación Infantil polo seu gran traballo realizado na modalidade de "murais", o tema do mesmo era: "O galego como medio de comunicación" e o seu título é "Dona Carme" (como podedes ver na foto este ano vai ser un mural permanente, porque foi feito nunha parede da E.E.I. de Louredo).

Parolando sobre Ramón Piñeiro

2009-05-27T00:57:00.013+02:00

Para celebrar o Día das Letras Galegas puidemos ver a presentación sobre a biografía do autor homenaxeado, narrada polo noso "particular" Ramón Piñeiro; quen, como de costume, aparecía sentado na súa mesa de braseiro escribíndonos unha carta. Pero antes, grazas a Mariña e a Pepiño, xa soubemos algunhas cousiñas sobre este autor, a pesar de que Pepiño ben que se liaba!! Menos mal que Mariña lle aclaraba todo -que paciencia tivo!!-, tamén nos leu a carta onde Ramón Piñeiro nos contaba o importante que é a nosa lingua, o galego.

(Se queres ver as fotos detidamente, pon o cursor enriba da foto e preme en pausa)

O Gato con Botas

2009-05-26T23:48:00.009+02:00

Os nenos e nenas de 2º demostraron que son uns estupendos actores e actrices!! Este ano representaron a obra titulada "O Gato con Botas", e o público quedou moi sorprendido, aínda que a maioría xa coñecía o conto, das andanzas deste curioso e intelixente gato.
(Se queres ver as fotos detidamente, pon o cursor enriba da foto e preme en pausa)

ANXO FARIÑA

2009-05-19T12:13:00.010+02:00

Nesta IV Semana Cultural tivemos a sorte de contar, unha vez máis, coa visita de Anxo Fariña. Como sempre, bastou a súa presenza para que os nenos e nenas fosen quen de facer uns incribles debuxos. Aquí vai unha pequena mostra:
(Se queres ver as fotos detidamente, pon o cursor enriba da foto e preme en pausa)

NÓS TAMÉN ESTIVEMOS ALÍ

2009-05-19T09:51:00.009+02:00

Manifestación a prol do galego.
Dicir que eramos miles, tampouco é dicir moito, pero nós, que estivemos alí, somos testemuñas de que eramos moitos miles, malia o mal tempo; porque, claro, o tempo solidarizouse coa nosa lingua doente. Poderiamos poñernos sentimentais é recurrir á personificación -tantas veces empregada- de que "o ceo choraba bágoas de tristeza", mais deixémonos de sentimentalismos e esixamos o que nos pertence.

A NOSA PEQUENA HOMENAXE A RAMÓN PIÑEIRO

2009-05-15T19:35:00.015+02:00

CONTACONTOS: NENOS E NENAS DE 6º

2009-05-15T18:59:00.029+02:00

Pero que bos contacontos tiñamos no "cole", e nós sen sabelo! Hai que agradecer a estes nenos e nenas o tempo que dedicaron aos ensaios e a preparar os textos na casa. Pronto veredes as fotos, de momento podedes ver a pequeniña montaxe que se fixo coas fermosas ilustracións do conto de "Cirano". Xa sabedes que agora está na biblioteca, tamén atoparedes alí os outros dous contos que vos contamos:"Orellas de bolboreta" e "Quen levou a Lúa", así que... a por eles!!!

"Cirano", un home moi especial e bondadoso.

"Quen levou a Lúa?", descobre o misterio da máxica desaparición na biblioteca.
Se alguén considera que este vídeo -que se fixo cunha finalidade educativa- atenta contra a propiedade intelectual, póñase en contacto con nós e será retirado de inmediato.

XA ESTÁ A CHEGAR A IV SEMANA CULTURAL 2009!!

2009-05-09T23:59:00.029+02:00

Nesta IV Semana Cultural imos ter varios actos que esperamos vos gusten a todos e todas. O calendario é o seguinte:

Luns, 11: Cine en galego (1º e 3º ciclo)
Martes, 12: Cine en Galego (2º ciclo) e a obra "O Libro Máxico" de Migallas.
Mércores, 13: Contacontos (os nenos e nenas de 6º van contarnos uns contos moi fermosos, e ao mesmo tempo poderemos ver as ilustracións, que son moi "chulas".
Xoves, 14: Anxo Fariña visitaranos de novo, que nos ensinará nesta ocasión?
Venres, 15: Teatro dos nenos e nenas de 2º, homenaxe a Ramón Piñeiro (Parolando sobre Ramón Piñeiro e vídeo), entrega de premios do Certame Literario e Contos en cantos.

Anxo Fariña, ademais de ser ilustrador, é autor de libros como "Don Quixote e Breogán" ou "Os Megatoxos", de seguro que xa os coñecedes, porque... están na biblioteca!

RAP "DEITADO FRONTE AO MAR"

2009-05-09T16:45:00.020+02:00

Sen ánimo de ofender a ninguén, invitámosvos a cantar este "rap" que ten como letra un poema de Celso Emilio Ferreiro, autor moi importante da nosa literatura que escribiu libros tan emocionantes como "Longa noite de pedra" ou "O soño sulagado".

DEITADO FRENTE AO MAR...

Lingua proletaria do meu pobo
eu faloa porque si, porque quero,
porque me gusta,
me peta e dame a gaña,
porque me sae de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sen raíces
que ao pór a garabata xa non saben
afirmarse no amor dos devanceiros,
falar a a fala nai,
a fala dos avós que temos mortos,
e ser, co rostro erguido,
mariñeiros, labregos da linguaxe,
remo e arado, proa e rella sempre.

Eu faloa porque si, porque me gusta
e quero estar cos meus, coa xente miña,
preto dos homes bos que sofren longo
unha historia contada noutra lingua.

Non falo prós soberbios,
non falo prós ruíns e poderosos,
non falo prós finchados,
non falo prós baleiros ,
non falo prós estupidos,
que falo prós que aguantan rexamente
mentiras e inxusticias de cotío;
prós que súan e choran
un pranto cotián de bolboretas,
de lume e vento sobre os ollos núos.
Eu non quero arredar as miñas verbas de
todo os que sofren neste mundo.
E ti vives no mundo, (terra miña,
berce da miña estirpe,)
Galicia, doce mágoa das Españas,
deitada rente ao mar, ise camiño...

Fantástico discurso, Belén

2009-05-08T23:29:00.006+02:00

MARABILLOSO ALEGATO A FAVOR DO GALEGO

Actividades en liña sobre Ramón Piñeiro

2009-05-08T01:10:00.003+02:00

Queres oír a voz de Ramón Piñeiro?

2009-05-08T00:36:00.005+02:00

Se queres saber cómo era a voz do homenaxeado este ano no Día das Letras Galegas, aquí a tes:

Máis sobre Ramón Piñeiro, pero doutra maneira.

2009-04-24T22:48:00.013+02:00

No seguinte enlace tendes unha liña do tempo virtual, onde se poden ver claramente os acontecementos máis importantes da vida e obra de Ramón Piñeiro. Ademais, tamén tendes un vídeo onde un neno nos narra a súa vida (poderedes ver a casa onde naceu, a súa irmá e moitas personalidades importantes da cultura galega).
Preme na foto.

http://www.timerime.com/timeline/75480/

Biblioteca das Letras Galegas

2009-04-24T20:30:00.018+02:00

O enlace que tendes a continuación é moi interesante, nel podedes atopar moitos libros de autores galegos, como por exemplo, Rosalía de Castro, Ramón Piñeiro (hai unha cronobiografía deste autor moi completa nun dos seus cadernos). Tamén hai gravacións sonoras dalgunhas obras de Rosalía de Castro (fonoteca), manuscritos antigos (facsímiles), etc.
Para que te sexa máis fácil utiliza o buscador.
http://www.letrasgalegas.org/

IV CONTO VIAXEIRO

2009-04-23T23:07:00.012+02:00

Hoxe, Día Internacional do Libro, tivemos a presentación do conto viaxeiro, que foi realizado entre o noso alumnado e o do C.E.I.P. de Carballal. Ademais de ver o vídeo, contamos cuns moi bos narradores, que nos relataron as peripecias que viviron os catro protagonistas para axudar a ese osiño desamparado.

WEBQUEST sobre Ramón Piñeiro

2009-04-20T18:17:00.013+02:00

Aquí tendes a webquest na que podedes traballar para coñecer a figura de Ramón piñeiro. Lede atentemente todos os apartados e buscade a información nos enlaces que vos propoñemos.

Preme na foto.

IV CONTO VIAXEIRO

2009-04-02T16:35:00.010+02:00

Xa temos rematado un novo conto, un conto no que non faltan bos sentimentos e moitas sorpresas. Non vos impacientedes, a súa presentación terá lugar o 23 de abril (Día internacional do Libro), así poderedes saber cal é o desenlace e admirar os fermosos debuxos que fixestes.

ENTROIDO 2009

2009-03-27T15:49:00.011+01:00

SEMANA CULTURAL 2009

2009-03-15T15:47:00.014+01:00

Nesta Semana Cultural imos ter, como de costume, varios actos entre os días 11 e 15 de maio para celebrar as Letras Galegas. Contaremos unha vez máis, porque xa nos visitou no ano 2006 e 2007, coa visita do escritor e ilustrador Anxo Fariña. Ademais tamén teremos teatro a cargo dos nenos e nenas de 2º -que nos sorprenderán coa representación dun conto popular-, e da compañía chamada "Migallas" (seguro que a coñecedes, non?), que actuará o día 12 de maio para o alumnado do noso centro e o de Carballal. O título da obra é "O Libro Máxico".

CERTAME LITERARIO 2009

2009-03-15T15:17:00.020+01:00

V CERTAME LITERARIO
C.E.I.P. MESTRE MARTÍNEZ ALONSO

Ide pensando qué conto ou qué poema queredes escribir para presentar a este V Certame Literario, como sempre haberá premios que serán entregados na Semana Cultural 2009 (maio). Anímate, talvez ti sexas un dos gañadores ou gañadoras!!

"AS PALABRAS VIAXAN NAS CARTAS, DEIXA QUE ELAS TE LEVEN A TI POLO MUNDO DA FANTASÍA E DAS EMOCIÓNS."

CELEBREMOS O "DÍA DA POESÍA" (21 de marzo) TODOS OS DÍAS

2009-03-14T16:21:00.026+01:00

ANTOLOXÍA DA POESÍA GALEGA MUSICADA

Na dirección que aparece a continuación, poderás escoitar fermosas cancións que teñen unha letra moi especial, xa que son poemas en galego, como por exemplo, "Chove en Santiago" de Federico García Lorca,"Vogar" de María Mariño, e mesmo o himno galego "Os Pinos" de Eduardo Pondal. Tamén poderás ler moitos poemas máis, compostos dende a Idade Media até os nosos días.
Preme nos triángulos para ver a letra.

http://sondepoetas.blogspot.com/

LETRAS GALEGAS 2009

2009-03-06T21:59:00.009+01:00

Este ano o homenaxeado neste día vai ser Ramón Piñeiro López (Láncara 1915-Santiago 1990); se queres saber algo máis sobre este gran defensor da nosa cultura e, particularmente, da nosa lingua, preme na foto.

Exposición de cabazas

2009-01-16T11:35:00.017+01:00

(Preme nas fotos, se queres aumentalas)

Como todos os anos, no Samaín, fíxose unha exposición de cabazas que, por falta de espazo, colocamos nos chanzos das escaleiras. Que susto nos deron algunhas cando subiamos, e non digamos o esqueleto ben ataviado co seu chándal que nos esperaba no corredor!!

SAMAÍN E MAGOSTO 2008

2008-12-09T18:19:00.044+01:00

(Preme nas fotos, se queres aumentalas)

Velaquí as fotos dos murais que se fixeron para celebrar o Samaín e o Magosto deste ano 2008. Dende agora xa coñecemos moi ben a historia desta festa celta: o Samaín.

Que bonitas rimas e refráns podemos ler nestas castañiñas!!

O día 14 de novembro celebramos o Magosto e algúns comeron castañas a fartar.

UN ANO EN FOTOS

2008-12-04T19:12:00.019+01:00

Esta é unha pequena mostra dalgunhas das actividades do curso pasado, mais non aparecen as fotos das saídas e doutras actividades realizadas, como por exemplo, as fotos do Meco. Pronto poderedes velas noutra presentación.

"O LIBRO DAS PALABRAS REGALADAS DO OUTONO"

2008-11-16T16:41:00.048+01:00

Este outono chegou cargado de palabras, das vosas palabras, esas que vos regalaron os vosos familiares. Tivemos a presentación do libro o día 14 de novembro, e a fermosa "Fada das Palabras Regaladas e os Agarimos" díxonos que estes son os verdadeiros agasallos, moito máis importantes cós que custan cartos. Tamén se lles entregou un exemplar aos nenos e nenas do C.E.I.P. Carballal, cos que compartimos o centro durante este curso, ademais das palabras "COMPARTIR" e "AMIZADE".
Aquí tendes o vídeo que se fixo con algunhas das palabras que aparecen no libro, o cal puidestes ver ese mesmo día proxectado co canón; para ler os significados destas palabras contamos con dous estupendos narradores, Ailén e Néstor.

Para rematar todos e todas limos as palabras que aparecen neste vídeo; pero para lelas todas, haberá que mirar o libro que está na nosa biblioteca.

E o acto continuou, deseguido puxémonos a cantar "Corre, corre, cabaciña", con bis incluído.

FOTOS

2008-09-17T20:25:00.006+02:00

CONTO VIAXEIRO 2008

2008-09-17T18:51:00.007+02:00

Este ano o noso conto, que xa é o terceiro, titúlase "Laura, a serea da Illa Vermella", este é un conto cheo de solidariedade, amizade e ...amor. Aquí tendes o vídeo que fixo o E.N. D.L. do centro cos debuxos e o texto que entre todos e todas creastes. Xa sabedes, porque todos e todas levastes un conto para a vosas casas, que o texto é máis longo; pero aquí está un pouco reducido para que sexa máis dinámico e para que a súa lectura sexa máis doada.

O Día do Libro puidemos ver co canón a presentación do noso conto, agora aquí o tendes para lelo cando queirades.

Erro: Cando no texto aparece: "Cando Laura chega á illa descubre que os sereos e as sereas están enfermos"..., debería dicir descobre.

SEMANA CULTURAL 2008

2008-06-21T02:59:00.004+02:00

Un ano máis celebramos a nosa Semana Cultural 2008 na que os nenos e nenas de E.I. e primeiro ciclo puideron aprender a debuxar moreas de animais - crocodilos incluídos- con ABRAHAM CARREIRO, fillo de Pepe Carreiro, a quen todo o mundo coñece polos seus libros de “Os Bolechas”.

O día 14 de maio, o alumnado do 2º e 3º ciclo recibiu a visita dunha recoñecida escritora: FINA CASALDERREY, quen falou sobre o seu labor como escritora e sobre algúns dos libros lidos por este alumnado como son: "Quen me quere adoptar?"(3º), "A lagoa das nenas mudas" (4º), "Chamizo "(5º) e "Asústate, Merche" (6º).

Aquí vemos cómo nos ensinou que se poden botar a navegar dúas follas polo río da poesía.

CONTO VIAXEIRO 2007

2008-06-21T02:50:00.003+02:00

As Estrelas da Amizade

Día das Letras Galegas 2007

2008-06-21T02:46:00.018+02:00

Este é o vídeo que realizou o Equipo de Normalización e Dinamización Lingüística do centro con motivo do Día das Letras Galegas, dedicado este ano a María Mariño Carou. Ao mesmo tempo, puidemos ver a "a nosa María Mariño" de carne e óso interpreta por Iris, quen nos relataba a súa vida. Tamén aparecía en escena Uxío Novoneyra, o seu grande amigo, quen ao final nos contaba cómo morría esta gran poeta -costureira de versos- da nosa literatura.

Se non se ve o vídeo preme en Letras Galegas na etiqueta (abaixo).

LETRAS GALEGAS 2008

2008-06-12T17:37:00.013+02:00

"Rap de Xosé María Álvarez Blázquez"
Nas Letras Galegas puidemos coñecer a biografía e a obra do autor homenaxeado este ano dunha maneira diferente, xa que foi a través do "rap" que nos cantaron catro nenos e nenas de 6º. Aquí tendes a montaxe que fixo o Equipo de Normalización e Dinamización Lingüística do "cole", aínda que neste momento non se pode escoitar a música, tentarei arranxalo en breve:

Se non se ve o vídeo preme en Letras Galegas na etiqueta (abaixo).

Vexamos tamén a presentación do seu poema "A Cometa".

DIRECCIÓNS INTERESANTES

2008-06-12T16:10:00.002+02:00

A continuación propóñovos unha serie de direccións moi interesantes, como o seguinte tradutor, aínda que xa sabedes que ás veces estas traducións son un pouco peculiares:
http://sli.uvigo.es/tradutor/
Nesta ligazón tendes traducidos ao galego algúns libros da nosa literatura universal:
http://www.bivir.com/
Máis cultura, imposible en:
http://www.culturagalega.org/
Para ler un xornal interesante preme aquí.
http://www.anosaterra.org/
http://www.vieiros.com/
Para buscar libros, discos... en galego:
http://www.andelvirtual.com/
http://bvg.udc.es/
E tamén dicionarios e enciclopedias:
http://www.edu.xunta.es/dicionarios/index_rag.html
http://gl.wikipedia.org/wiki/Portada
http://gl.wiktionary.org/wiki/P%C3%A1xina_Principal

WEBQUEST sobre Xosé María Álvarez Blázquez

2008-05-08T23:52:00.002+02:00

Aquí tendes a webquest na que podedes traballar para coñecer a figura do homenaxeado. Lede atentamente todos os apartados antes de comezar e buscade a información nos enlaces que vos propoñemos. A navegar!!

Preme na foto.

O Arco da Vella

2008-03-24T23:23:00.004+01:00

Este fermoso poema, escrito por Xosé María Ávarez Blázquez, forma parte do libro "Roseira do teu mencer" (podedes atopalo na biblioteca do centro), que foi adicado a súa filla chamada familiarmente "Colorín". O Equipo de Normalización e Dinamización Lingüística do noso centro realizou esta presentación, espero que vos guste:

Se non se ve o vídeo preme en Letras Galegas na etiqueta (abaixo).

Día da Poesía

2008-03-23T20:59:00.004+01:00

O día 21 de marzo celébrase o Día da Poesía. A continuación aparece un poema de Rosalía de Castro titulado Negra Sombra, moi coñecido grazas a canción de Luz Casal e Carlos Núñez ou á de Amancio Prada.

Cando penso que te fuches
negra sombra que me asombras
ó pé dos meus cabezales
tornas facéndome mofa.
Cando maxino que es ida
no mesmo sol te me amostras
i eres a estrela que brila
i eres o vento que zoa
Si cantan, es ti que cantas
si choran, es ti que choras
i es o marmurio do río
i es a noite i es a aurora
En todo estás e ti es todo
pra min i en min mesma moras
nin me dexarás ti nunca
sombra que sempre me asombras.

Adiós , ríos; adiós, fontes...

2008-03-23T20:47:00.003+01:00

Este é outro famoso poema desta autora, cantado centos de veces.

Adiós , ríos; adiós, fontes...

2008-03-23T20:33:00.005+01:00

Aquí tendes unha versión moi moderna de "Adiós, ríos; adiós, fontes..."

ROSALÍA DE CASTRO (1837-1885)

2008-03-23T19:44:00.001+01:00

O día 24 de febreiro foi o día de Rosalía de Castro; pero non só nesa data, senón en máis ocasións, debemos recordar a esta gran escritora e poeta do noso Rexurdimento. Aquí tendes unha boa páxina na que poderedes ver cousas moi interesantes:

http://www.rosaliadecastro.org

ROSALÍA DE CASTRO
(1837 – 1885)

Rosalía de Castro (Santiago de Compostela, 21 de febreiro de 1837 — Padrón, 15 de xullo de 1885) é unha das mellores escritoras/es en lingua galega e unha das principais responsábeis do Rexurdimento galego decimonónico. O 17 de maio, Día das Letras Galegas é feriado por causa de ser a data de edición da súa obra

Tradicionalmente considerada filla de Xosé Martínez Viojo, crego de Iria, en Padrón, e de María Teresa de la Cruz de Castro e Abadía, fidalga da casa grande de Arretén, o certo é que, segundo as últimas achegas biográficas, descoñecemos o nome do verdadeiro pai de Rosalía -a paternidade de Martínez Viojo resulta apenas dunha transmisión oral, allea á familia da poeta, e sen ningunha base documental-. Tras os estudos levados a cabo por Victoria A. Ruiz de Ojeda sabemos que, contrariamente ao tópico mantido durante décadas, Rosalía foi criada en Padrón pola súa nai. Non se sabe exactamente cando se trasladaron a Compostela, pero si que en 1850 vivían nai e filla nesa cidade. Alí recibiu formación musical, artística e literaria; participou nas actividades do "Liceo de la Juventud", onde coincidiu con Eduardo Pondal, Aurelio Aguirre e Paz Novoa.

En 1856 trasladouse a Madrid, onde viviu cunha curmá. Comezou a publicar e en 1858 casou con Manuel Murguía, investigador e xornalista. A vida do matrimonio fíxose itinerante debido ós cargos funcionariais de Murguía. En 1859 regresaron a Galiza, onde naceu a súa primeira filla; en 1861, de novo en Madrid, publicou obras en galego e castelán. Logo duns anos en Madrid, trasladáronse a Lugo, e despois voltaron a Madrid, onde naceu Aura; as actividades do seu home leváronos por diferentes lugares: Simancas, A Coruña, Compostela, Lestrobe, Estremadura, Alacante... e mentres foron nacendo máis fillos: os xemelgos Gala e Ovidio, Amara, Adriano.

Rosalía botou os derradeiros anos da súa vida en Padrón, onde a familia alugara a casa da Matanza, que despois se convertería en casa-museo. A morte do seu fillo máis novo aos dous anos por mor dun accidente e a súa enfermidade amargáronlle os derradeiros anos. Morreu de cancro en 1885 e foi soterrada no camposanto da Adina. Anos máis tarde, en 1891, os seus restos foron trasladados ó actual Panteón de Galegos Ilustres, na igrexa de San Domingos de Bonaval, en Santiago de Compostela.

Obra

1863 (poesía) Cantares gallegos
1880 (poesía) Follas novas
1864 (prosa) Contos da miña terra I (posteriormente divulgado co nome de Conto gallego)

En castelán

1857 (poesía) La Flor
1859 (prosa) La hija del mar
1861 (prosa) Flavio
1863 (poesía) A mi madre
1863 (prosa) El cadiceño
1866 (prosa) Ruinas
1866 (prosa) Las literatas
1867 (prosa) El caballero de las botas azules
1881 (prosa) El primer loco
1881 (prosa) El domingo de Ramos
1881 (prosa) Padrón y las inundaciones
1884 (poesía) En las orillas del Sar

"http://gl.wikipedia.org/wiki/Rosal%C3%ADa_de_Castro"

Categorías: Rexurdimento | Escritores en lingua galega | Escritores en lingua castelá | Día das Letras Galegas | Escrit

CATEDRAL DE TUI

2008-01-30T18:20:00.002+01:00

O homenaxeado este ano no Día das Letras Galegas é Xosé María Álvarez Blázquez, escritor e editor que loitou por dar a coñecer o noso idioma e a nosa cultura. Naceu na fermosa vila de Tui, onde se atopa unha impresionante catedral da que podemos ver unhas imaxes a continuación. A catedral ten apariencia de fortaleza e posúe unha mestura de estilos románico e gótico; a súa construción comezou no 1120, pero non foi consagrada até o 1225.

Letanía para Galicia de Uxío Novoneyra

2008-01-29T23:54:00.001+01:00

Carteis do Entroido tradicional

2008-01-28T20:38:00.004+01:00

Estes son algúns dos carteis que se fixeron o ano pasado no "cole" para dar a coñecer os entroidos tradicionais. Traballo custou a nenos, nenas e profes; pero ben bonitos que quedaron.

Magosto 2007

2008-01-14T16:25:00.001+01:00

No Magosto deste ano, ademais da enchente de castañas que se comeron, o alumnado do centro fixo uns bonitos murais sobre: os froitos de outono, a colleita do millo...

Estudo sobre a toponimia de Mos

2008-01-12T16:59:00.001+01:00

Anímate a participar! (Ler reseña no lateral)

Pazo de Mos

2008-01-11T20:29:00.001+01:00

Este curso temos previsto realizar unha visita ao Pazo de Mos, que aínda que se atopa moi preto de nós é descoñecido por moitos. Desta maneira poderemos comprobar como se realizou a restauración deste edificio do século XVII.

No Medievo, este lugar era coñecido polo nome de *Molis*. No século XVII, o rei Carlos II concedeulle o privilexio de ostentar un *marquesado*. O primeiro marqués de Mos foi *Gabriel Sarmiento de Soutomaior*, Grande de España, descendente dun ilustre liñaxe galego. O municipio tamén foi declarado *Vila?*, título que perdeu no século XIX despois de ser destruída na Guerra da Independencia contra os franceses. No apartado eclesiástico, Mos conta con dúas igrexas de estilo románico do século XII: a de *Santa María de Guizán *e a *igrexa de San Salvador Louredo*, reformada con detalles barrocos no século XVIII.

Entroido 2007

2008-01-10T16:37:00.007+01:00

Se non se ve o vídeo preme en Entroido na etiqueta (abaixo).

Vídeo realizado polo ENDL do C.E.I.P. Mestre Martínez Alonso