11/12/15

MAGOSTO 2015

Colaboramos co Equipo de Actividades, no magosto facendo uns cadros sobre o outono, mirade que boniiiiitos nos quedaron!!! E como non participamos nos xogos e comimos castañas.

11/11/15

SAMAÍN 2015

Aqui vos deixamos unha mostra do que foi este ano o Samaín no colexio. Pasámolo de medo e gozamos como artistas.

18/9/15

CURSO 2015-2016

Con esta imaxe damos por inagurado o curso escolar no CEIP Mestre Martínez Alonso. Dende este blog damos a benvida a todol@s nen@s, pois un cole sin eles non ten vida.

5/6/15

XORNAL LOURO Nº 46

Un ano máis rematamos o curso co xornal escolar. Que pasedes unhas felices vacacións de verán!!! E ata a volta.

xornal louro nº 46

I FEIRA CIENTÍFICA

Xa temos as fotografías da 1ª feira científica!!! Este ano no colexio traballamos a ciencia e decidimos facer unha feira científica, con stands, onde cada clase explicou as demáis un experimento traballado. Esperamos que vos gusten, os/as nenos/as pasarono moi ben e aprenderon moito.

20/5/15

LETRAS GALEGAS 2015

Outro ano celebrando o día das Letras Galegas!!! Este ano como era domingo, no colexio celebrámolo o venres 15, e queremos compartir convosco o día tan especial que vivimos no pasillo do colexio, pois celebrámolo todos xuntos. Tivemos tempo para homenaxear ao escritor, historiador, político e etnógrafo Xosé Fernando Filgueira Valverde, cantar un rap en defensa da lingua galega(que marabilla escoitar uns galegos cantar!!) e visionar o vídeo feito polos nenos e nenas de 3º B sobre Rosalía, para lembrar o seu 178 aniversario. Tamén tivemos contacontos "O pirata Calabrote" e a 1ª mostra de ciencia(ou feira científica). Esperamos que vos guste!!!

4/3/15

24 de febreiro día de Rosalía

Mirade e escoitade o que os/as nenos/as de 3º fixeron o 24 de febreiro para celebrar o día de Rosalía.

23/2/15

Entroido 2015

O venres 13 de febreiro, celebramos no colexio o ENTROIDO, despois de botar toda a semana obedecendo as ordes do Meco. As primeiras horas da mañá, dedicámolas a facer uns talleres de aparellos de laboratorio (lupas, lentes, brúxulas,...). Continuamos coa degustación dos postres típicos do Entroido, que os/as nenos/as trouxeron das súas casas. Despois, diante do Meco (este ano unha científica moi guapa) os/as nenos/as de Primaria leron as coplas. A continuación, queimouse o Meco e por fin, puidemos bailar!!!

3/2/15

DÍA DA PAZ

Xa estamos de volta!! O 30 de xaneiro celebramos no colexio un día moi importante e que celebramos con moita ilusión, O DÍA DA PAZ!!! Os nenos de 6º fixéronnos unha presentación sobre persoas que gañaron o Nobel da Paz. Logo explicaron porque fixemos unha árbore con mazás. Queredes sabelo? Como este ano estamos traballando a ciencia, decidimos facer a árbore de Isaac Newton, para lembrar a anécdota da mazá e o descubrimento da gravidade. Nesa árbore pódese ler o lema "A conCIENCIA dun mundo en PAZ" e as mensaxes escritas nas mazás que os nenos e nenas do colexio desexan que se cumplan.

Por último, cantamos todos xuntos unha canción moi simpática, que nos gustou moito e que disfrutamos cantando e bailando: "Quérote máis" de Sonoro Maxín.